रे अफ आर्ट्सले नयाँ चलचित्र निर्माण गर्दै
काठमाडौं । नेपाली चलचित्र निर्माणमा सक्रिय रे अफ आर्ट्स प्रालिले आफ्नो नयाँ चलचित्र ‘हाम्रो सानो घर’ निर्माण गर्ने भएको छ । रे अफ आर्ट्सको ब्यानरमा बन्न लागेको यो चलचित्रमार्फत चर्चित लेखक सुमन गजमेरले निर्देशनमा डेब्यु गर्ने भएका छन् । चलचित्रको कथा, पटकथा तथा निर्देशन गजमेर स्वयंले गर्नेछन् । चलचित्रमा जेनेरेसन–जेड (Gen Z) पुस्ताको प्रेम, सपना, सम्बन्ध र सामाजिक यथार्थलाई कथाको केन्द्रमा राखिनेछ । रे अफ आर्ट्सले यसअघि चलचित्र ‘परिवार’ निर्माण गरिसकेको छ, जुन हाल पोस्ट–प्रोडक्सनको अन्तिम चरणमा छ । चलचित्रसँगै कम्पनीले म्युजिक भिडियो, सिरिज तथा डकुमेन्ट्री निर्माणमा समेत काम गर्दै आएको छ ।
प्रेमकथामा आधारित ‘हाम्रो सानो घर’ले मनोरञ्जनसँगै जातीय तथा वर्गीय विभेद, बदलिँदो सामाजिक सोच र नयाँ पुस्ताका आकांक्षालाई समेत उठान गर्नेछ । चलचित्रका कलाकार तथा प्राविधिक टोली छनोटको काम अन्तिम चरणमा पुगेको रे अफ आर्ट्सले जनाएको छ । लेखकका रूपमा ‘रंगी’, ‘एक्का तीन : च्याप्टर १’, ‘शेर्वा’ लगायतका चलचित्रमा काम गरिसकेका गजमेरले ‘हाम्रो सानो घर’ मार्फत निर्देशकका रूपमा नयाँ यात्रा सुरु गर्न लागेका हुन् । रे अफ आर्ट्सको यो नयाँ चलचित्रप्रति नेपाली चलचित्र क्षेत्रमा चासो बढेको छ ।
Facebook Comments
Recent post
चलचित्र ‘रकम’ को गित सार्वजनिक
‘परिवार’ को दसैँ गीत मिलियन भ्युज क्लव नजिक पुग्दै
रे अफ आर्ट्सले नयाँ चलचित्र निर्माण गर्दै
युएनए मार्फत विश्व बजारमा नेपाली चलचित्रको पहुँच
चलचित्र ‘परिवार’ को पहिलो पोस्टर सार्वजनिक
इन्जिनियर रिजालको ‘हर रात’ सार्बजनिक
